Të paktën 25 persona kanë humbur jetën e dhjetëra të tjerë janë plagosur rëndë, për shkak të një shpërthimi me bombë në një kishë në Egjipt. Ngjarja ndodhi pranë selisë së Kishës Ortodokse të Egjiptit, në Kajro.
Mediat vendase njoftojnë se shpërthimi u shkaktua përmes një bombe, ku si pasojë mbetën viktima të paktën 25 persona, mes tyre gra e fëmijës. Bilanci pritet të rritet në orët në vijim, pasi ekipet e shpëtimit vijojnë kërkimet me intesitet në ë gjithë zonën e prekur.
Mësohet se sulmi ndodhi në lagjen e koptëve, të cilët përbëjnë rreth 10% të popullatës së përgjithshme të Egjiptit. Presidenti i Egjiptit, Abdel-Fattah al-Sissi dënoi sulmin duke e cilësuar si “akt të tmerrshëm terrorist” dhe ka shpallur tre ditë zie për viktimat.
Ky shpërthim ndodhi një ditë pas sulmit me bombë në një pikë kontrolli në kryeqytetin egjyptjan ku mbetën të vrarë 6 policë. Ditën e sotme një tjetër tragjedi ndodhi në një kishë, por ndryshe nga rasti i Kajros, rreth 200 persona humbën jetën aksidentalisht nga shembja e çatisë./tesheshi.com/
