Sulmuesi shkodran, Bekim Balaj ka arritur të shënojë gol për ekipin e tij, Rijeka në takimin kundër gjigandëve të kampionatit kroat, Dinamo Zagrebit ndeshje e vlefshme për javën e 27-të të kampionatit kroat.
Futbollisti realizoi në minutën e 31-të të takimit, duke i dhënë avantazhin e përkohëshëm Rijekës.
Në pjesën e dytë Dinamo e Zagrebit barazoi me anë të Pjaca dhe kaloi në avantazh në minutën e 88′ falë Sigalit, por në minutat shtesë Rijeka barazon rezultatin me anë të Radosevic i cili vulosi fatin e këtj takimi në 2-2. Ky ishte goli i 4 i Balajt me fanelën e Rijekës, dhe tashmë ky ekip e sheh veten në vendin e dytë në tabelën e klasifikimit me 53 pikë.
Gashi Sulmuesi i Kombëtares shqiptare, Shkëlzen Gashi nuk di të ndalet së shënuari. Ai ka realizuar një dopietë me Bazelin e tij. Sulmuesi realizoi në sfidën që ekipi i tij fitoi 6-0 kundër Araus në Superligën zvicerane të futbollit. Gashi e shënoi golin e tretë të takimit në minutën 21’ dhe golin e gjashte ne minuten e 63′. Goli i dytë ishte spektakolar pasi u realizua nga një distancë rreth 35 metra. Ky ishte goli i 19 për Gashin në këtë sezon me fanelën e Bazelit.
Sokol Cikalleshi ka vendosur derbin e Rijekës me anë të një 11-metërshi. Sulmuesi shqiptar ka marrë përsipër fatin e supersfidës, kur ka ekzekutuar penalltinë e minutës së 84-t. Një derbi shumë i zjarrtë dhe një ndeshje mes dy skuadrash rivale është vendosur nga këmbët e sulmuesit shqiptar. Një ndeshje e mirë dhe e përmbyllur në mënyrën më të mirë të mundshme. Sulmuesi shqiptar deklaroi disa ditë më parë se do të kishte shumë dëshirë që të mund të ndihmonte skuadrën e tij që të fitonte këtë derbi. /tesheshi.com/
