Mensur Krasniqi
Vjen edhe përplasja direkte mes deputetëve të Bashkmit Demokratit për Integrim.Deputetja e BDI-së ka akuzuar ashpër bashkëpartiakun e saj, Artan Grubin.
Ajo ka bërë të ditur se në BDI, nuk po bëhen reforma ashtu siç kishte pretenduar kryetari i kësaj partie Ali Ahmeti, së paku derisa në strukturën e kësaj partie rradhiten siç thotë ajo: “huligana që dinë të bëjnë vetëm huliganin dhe dhe nxitësin e konflikteve, qoftë në stadium, apo i veshur me petkun e politikës”.
Në vazhdim keni statusin e plotë të Ermira Mehmetit:
Të nderuar miq,
Te përjetshmit dhe dështaket që e kanë kapur BDI nga brenda kanë nisur fushatën për të më heshtur dhe diskredituar mua. Qëllimi i tyre është që t’u shmangen reformave dhe të ndërtojnë një realitet të rrejshëm lidhur me BDI, por mbi të gjitha, qëllimi i tyre është e te ma rrënojnë kredibilitetin mua.
Sot kam bërë një prononcim në media dhe, për të qenë e sigurt se do të transmetohet në tërësi, po e shpërndaj publikisht edhe në facebook:
‘Për fat të keq, në BDI nuk po bëhen reforma por po porositen goditje në media për të më heshtur dhe diskredituar. Kështu ndodh rëndom kur korruptohen idealet dhe kur dështakët fshihen pas kredibilitetit të Liderit te partisë.
Për një gjë nuk kam dilemë: rrënimi i autoritetit të Ali Ahmetit dhe BDI nisi që kur z. selfie u imponua në strukturë, sepse një huligan di të bëjë vetëm huliganin dhe nxitësin e konflikteve, qoftë në stadium, apo i veshur me petkun e politikës.’
/tesheshi.com/
