Një tubim në mbështetje të Rusisë, e cila po tenton pushtimin e Ukrainës, u mbajt në qendër të Beogradit, pra pikërisht në mbështetje të agresionit ndaj fqinjit ish-sovjetik, edhe pse i një feje dhe gati i një gjaku.
Tubimi organizohet nga grupi i ekstremit të djathtë nga Serbia, “Patrulla e Popullit”.
Në tubim u këndua himni serb dhe rus, ndërsa disa nga të pranishmit falëvitnin flamujt rusë.
Të tubuarit kanë brohoritur “Serbi, Rusi, s’kemi nevojë për BE”, dhe “Serbë dhe rusë, vëllezër përgjithmonë!”, duke aluduar për anëtarësimin e Serbisë në Bashkimin Evropian, pra duke e refuzuar atë.
Disa nga të pranishmit mbajnë edhe postera me simbolin Z, një nga simbolet e forcave agresore ruse në fushën e betejës ukrainase, raporton Evropa e Lirë.
Kujtojmë që Putini, pak para se të ndërmarrë sulmin ndaj Ukrainës, përmendi sulmin e NATO-s mbi Serbi në 99-ën, gjatë fushatës së spastrimit etnik në Kosovës, duke mos e marrë fare në konsideratë atë çfarë po ndodhte me popullin kosovar, si arsyeja kryesore e aksionit ushtarak të Aleancës.
Kështu, ka lënë të nënkuptuar se sulmi mbi Ukrainë është dhe një lloj reagimi hakmarrës për atë çfarë ndodhi ndaj Serbisë me bombardimin nga NATO. /tesheshi.com/
