Një ditë pas samitit të Varshavës, krerët e NATO-s kanë spërthyer kundër një vendi aleat, i cili sipas tyre ka tradhëtuar dhe po flirton me armikun Putin.
Qarqe të larta të Aleancës së Atlantikut të Veriut kanë nxitur mediat prestigjoze europiane të sulmojnë Athinën.
Kësaj herë është britanikja
Financial Times, e cila thekson se Tsipras, në kontrast me të tjerët, ka deklaruar se ishte koha për t’i dhënë fund konfrontimit me Rusinë.
Siç bën të ditur Financial Times, Presidenti amerikan Barack Obama ka sulmuar ashpër kreun e qeverisë greke.
Ky qendrim i Tsipras është kritikuar në takimin prej mëse 30 minutash që ai ka pasur me presidentin amerikan.
Obama ka qenë më shumë se sarkazmatik kur i është përgjigjur qëndrimit të Tsipras se, “duhet të mbarojë sa më shpejt lufta në Siri”: “për këtë duhet të na ndihmojë miku yt Putin”.
Në artikullin e “FT” përmendet gjithashtu fakti se mes dhjetëra thirrjeve publike për unitet që u bënë në Samitin e Varshavës, mbledhjen e parë të plotë të liderëve të NATO-s që prej vitit 2014, ka pasur shenja përçarjeje në lidhje me marrëdhëniet me Moskën.
/tesheshi.com/
