Rënia nga pushteti po shfaq një krizë të thellë në radhët e VMRO-së. Kongresi i kësaj partie, ku Gruevski ia la postin e kryetarit Kristian Mickovskit, nga një prej figurave të saj i cili e bojkotoi, Filip Petrovski, është quajtur “Festival Popullor”. Petrovski, cili ishte një nga kandidatët për ta pasuar Gruevskin por që u tërhoq nga kandidimi, tha se në Kongres nuk ka pasur asnjë intelektual dhe prej atyre që kanë qenë të vlefshëm për këtë parti, askush nuk ishte prezent.
Rreth fjalimit të ish-kryetarit Guevski i cili tha se ka ardhur me një thikë në shpinë ndërsa po shkon me më shumë thika në shpinë, ai pati një përgjigje:
“Zotëri Gruevski, ju nuk erdhët në krye të partisë tonë me një thikë në shpinë, por keni ardhur me një Kongres kontravers, ku në vitin 2003 u rrahën dhe delegatë. Unë edhe atëherë isha delegat dhe nga njerëzit tuaj isha edhe unë i kërcënuar, atë e di unë por e dini dhe ju. Ashtu siç erdhët ju edhe shkuat”, – u shpreh Petrovski.
Petrovski tha gjithashtu se kryetari Mickovski është një kukull e Gruevskit dhe se nuk do mundet kurrë që të bëjë vërtet rolin e liderit të VMRO-së.
Nga ana tjetër, rebel është shfaqur dhe figura tjetër e njohur e kësaj partie Antonio Milloshoski.
“Zgjedhje e çuditshme dhe kongres i diskutueshëm. Vetëm një kandidat, Mickoski, padyshim është i preferuari i liderit të deritanishëm Nikolla Gruevski, me një makineri të tërë partiake pas tij. Ka informacione që rreth 30 fletëvotime të pavlefshme, të paarmatosura janë përmbledhur më tej duke numëruar dhe dhënë figurën “PRO”. Është konfuze që dje kishte 411 delegatë të regjistruar, dhe sot 438 delegatë të regjistruar, megjithëse regjistrimi është vetëm një ditë. Në vend të Mickoskit, programin dhe hapat e presidentit të ri i tha Gruevski në fjalimin e tij. Në tërësi, Kongresi pa legjitimitet të plotë është i barabartë me një president me aftësi të kufizuara”, tha Miloshoski.
Miradie Hasani – /tesheshi.com/
