Donald Trump ndërmerr një vendim ekstrem që të tregojë se nuk ka afërsi me administratën e Putin.
Siç bën të ditur portal rus Sputnik, Departamenti Amerikan i Shtetit i ka kërkuar Moskës që të shesë pronat e saj diplomatike në San Françisko dhe Uashington.
Gjithçka ka ardhur nga një dyshim i shërbimeve sekrete amerikane se në ndërtesat diplomatike ruse fshihen municione dhe pajisje luftarake.
Sputnik citon një zyrtare të lartë të Ministrisë së Jashtme ruse, Maria Zaharova, e cila deklaroi se jemi para një situate të padëgjuar ndonjëherë në marrëdhëniet dypalëshe. Gjëra të tilla ndodhen ose para një lufte ose para një konfliti të madh.
As në Luftën e Ftohtë nuk kanë ndodhur gjëra të tilla.
“Kërkesa e Departamentit të Shtetit është më shumë se e bujshme. Nëpërmjet linjave zyrtare ata kanë deklaruar se presin që Rusia të shesë pronat e saj diplomatike në SHBA”, tha Zaharova.
Ajo shtoi se së shpejti ministria e Jashtme ruse do të publikojë një galeri fotosh te ndërtesave për të kuptuar se çfarë po bëhet – nuk është një apartament me një dhomë gjumi.
Bëhet fjalë për prona në qendër të qyteteve, si në Uashington dhe në San Francisco.
Objektet janë të listuara nga ana e shërbimeve sekrete amerikane si vende të mundshme ku lëvron spiunazhi rus. Por këto akuza nuk pranohen nga Zaharova, e cila thotë se janë vetën “shtëpi verore”.
Zaharova tha se shërbimet speciale të SHBA kanë kërkuar që objektet duhet të kontrollohen pasi dyshohen se përmbajnë municione, pajisje plasëse dhe armë diversioniste.
Ky është kulmi i ngrirjes diplomatike mes Uashingtonit dhe Moskës dhe ka ndodhur pasi Vladimir Putin dëboi nga Rusia rreth 750 diplomatë amerikanë të vendosur jo vetëm në Moskë por edhe në qytete të tjera të Rusisë.
Portali i Kremlinit, Sputnik e cilëson këtë zhvillim si më sensancionali që ka ndodhur deri tani. /tesheshi.com/
