Pamje shqetësuese shihen në një video ku tregohet se si punëtorët në provincën Xaysomboun të Laosit, tentojnë të shpëtojnë pas shpërthimit të një dige.
Sipas agjencisë qeveritare të lajmeve KPL, projekti Hidropodat Nam Ao ishte në ndërtim e sipër kur diga shpërtheu me 11 shtator, duke përmbytur tokat bujqësore.
Zyrtarët e Ministrisë së Burimeve Natyrore dhe Mjedisit po hetojnë aktualisht shkakun e shpërthimit, por besohet se shiu i madh ka dëmtuar një nënrezervuar, gjë që shkaktoi prishjen e digës. Rezervuari kryesor nuk ishte prekur.
Diga ishte ende në ndërtim dhe rreth 85 për qind e përfunduar. Ndërtimi filloi në vitin 2015.
Fatmirësisht, nuk ka pasur lëndime apo vdekje të raportuara nga përmbytja.
“Vientiane Times” raporton se shtatë fshatra janë prekur nga përmbytjet, por asnjë shtëpi nuk u dëmtua seriozisht.
