Parid Cara, deputeti kavajas i PS-së (koinçidencë fakti që dhe PD-ja dikur ka patur një deputet nga Kavaja me të njëjtin emër, Parid Teferiçi, njeri letrash), është rebeluar keq ndaj realitetit shqiptar në përgjithësi, politikës dhe medias në veçanti.
Në një status të tij në FB, ai ka shfryrë keq kundrejt asaj çfarë po përjeton si person publik prej statusit të tij politik si deputet.
Kujtojmë që Parid Cara, ishte ndër ata individë me të cilin Rama gjatë kohës në opozitë, nisi prezantimin e prurjeve të reja në PS, duke i konsideruar “lojtarë të zgjedhur të ekipit të Rilindjes”.
Ja dhe statusi i Carës:
Disa media online, akuzuan tim vella per nje investim qe deshironte te bente ne Shqiperi me ortaket e tij italiane. Ndjehem fajtor pse nuk e ndalova vellain tim te vinte. Por perkundrazi e inkurajova te provonte te sillte ketu eksperiencen e Sherbimit Funeral Privat me cikel te plote qe ortaket e tij italiane e kane prej vitesh ne Amerike etj.
Ndjehem fajtor sepse nuk e mora dot me mend atehere gati dy vjet me pare se hallalli do t”i behej harram siç ndodhi! Kam ardhur te mbeshtes Partine Socialiste dhe Edi Ramen ne rrugen per Rilindjen e vendit sepse une mendoj dhe besoj se ky eshte drejtimi i duhur.
Po ne kete drejtim kam dy vjet qe perjetoj nje stres dhe shqetesime te papara nga cfare ndodh ketu me njerezit qe punojne dhe duan te bejne dicka ne politike ne biznes ne jete. Nje tmerr i vertete thashethemesh, shpifjesh e poshtersish kudo ku ka nje kafene! Kurse parlamenti kafeneja me e shpifur e Shqiperise ku shkoj sikur shkoj ne tortura! Po edhe mediat nuk ngelen mbrapa.
Pergojohen njerez qe punojne, kryqezohen publikisht njerez qe perpiqen t’i levizin gjerat per mire. Shahen me liber shtepie njerez qe bejne diferencen ne dac ne qeveri ne dac ne komunitet si deputete te thjeshte ne dac ne biznes si shqiptare ne pune te tyre qe sapo bejne nje gje shpallen kriminele! Im vella sot e la investimin ne Shqiperi dhe une i kerkoj ndjese edhe kolegeve te mi qe u bera sebep per nje akuze tjeter te piset.
Te jetosh sot ne Shqiperi dhe te duash te dallohesh duhet ta kesh bere mire llogarine me sasine e baltes qe mund te mbash mbi supe. Une po mesoj ta bej edhe pse me kosto te larte personale shoqerore familjare. Jam shume i vogel dhe i parendesishem per te bere deklarata te medha po nje gje e them me force: Sot jam me shume se kurre me Edi Ramen dhe Partine Socialiste sepse alternativa eshte shkaterrim i vendit dhe dinjitetit njerezor.
/tesheshi.com/
