“Bomba” e radhës e përgjimeve, të cilat po i zbardh lideri opozitar Zoran Zaev, mes tjerash ka sjellë dëshmi për marrjen e kredive disamilionëshe nga banka të jashtme, për ndërtimin e përmendoreve të shumta nga projekti kontravers ‘Shkupi 2014’, gjë e cila ka rrezikuar pagat mujore të administratës publike.
Kjo konfirmohet nga bashkëbisedimi telefonik, për të cili Zaev thotë se zhvillohet mes ministrit të Financave Zoran Stavrevski dhe ministres së brendshme Gordana Jankullovska, të cilët mes tyre vërtetojnë kaosin në buxhet dhe absurdin e shpenzimeve të mjeteve buxhetore.
“Të ardhurat janë katastrofale, ndërsa tragjedia qëndron në faktin se po harxhohen shuma maramendëse për ndërtim të përmendoreve”, konstaton Stavrevski, duke kundërshuar politikat e gabuara qeveritare. Jankullovsa i përgjigjet se policia po fle në kravatë të hekurt, ndërsa mbulohet me batanije te vjetra të trashëguara nga ushtria e ish- Jugosllavisë, ndërsa nuk ka para as për karburante, për çka propozon uljen e pagave nga 5 deri në 20 për qind për punonjësit policorë që të mbulohet vrima në buxhet.
“Jemi çmendur. Shpenzojmë për cokollata, ndërsa s’kemi bukë për të ngrënë”, është konstatimi i përbashkët i dy bashkëbiseduesve.
Opozita shpalosi edhe detaje tjera, por as kësaj radhe nuk u prezentuan të dhëna për procesin gjygjësor “Monstra”, në të cilin disa shqiptarë kanë marë dënimin burg të përjetshëm, për vrasjen e pesë të rinjve maqedonas. Për opinionin shqiptar, rasti është i montuar.
“Nuk ka biseda telefonike me urdhër për vrasje, por ka dëshmi tjera për këtë process gjygjësor”- tha Zaev i cili kërkoi durim pasi siç tha, të gjitha do të zbulohen. /tesheshi.com/
