LSDM ka ndryshuar qasjen lidhur me shpalosjen e bombave, me të ashtuquajturat “Karvane nëpër qytete”, që siç thonë, për së afërmi t’ua shpalosin qytetarëve keqpërdorimin e pushtetit.
Destinacioni i parë ka qenë Strumica, qytet ky i liderit opozitar Zoran Zaev, i cili ka akuzuar pushtetin se ka dhënë letërnjoftime ilegale për aktivistët e VMRO-së, për të votuar disa herë në më tepër vendvotime.
Opozita akuzoi pushtetin edhe për Haraçin që u është afaristëve nga Strumica, ndërsa si dëshmi kanë prezentuar një bisedë telefonike për të cilën thotë se është zhvilluar mes deputes së VMRO-së, Silvana Boneva dhe kryeministrit Gruevski, në të cilën deputetja paralajmëron se bashkëpartiaku i tyre Sllave Goshev, ka rekrutuar thuajse gjitha bizneset në Strumicë, që sipas saj ka irrituar qytetarët e kësaj komune.
Mes bisedave që kanë zbardhur në LSDM sot në bombën e 11-të është edhe biseda mes Menduh Thaçit dhe bashkëpartiakut të tij Bedredin Ibraimi, anëtar në KSHZ. Thaçi i thotë Ibraimit se janë marrë vesh që të prishen votimet në Strumicë, për çka ka kërkuar që ai të votojë në KSHZ, pasi janë marrë vesh me VMRO-në që ata ti bëjnë favor PDSH-së për të prishur votimet për Çairin. /tesheshi.com/
