Pesë nxënës të shkollës fillore ‘Dardania’, në Pejë janë lënduar si pasojë e shpërthyerjes së kalldajës (furrës së zjarrit) të nxemjes qëndrore.
Dy prej nxënësve kanë pësuar djegie më të mëdha, kurse tre të tjerë janë lënduar më lehtë.
Nënkryetari i Komunës së Pëjës Shkumbin Gashi ka bërë të ditur për portalin tesheshi.com se ngjarja në shkollë ka ndodhur rreth orës 09:30 në mëngjesin e sotëm.
“Pesë nxënës janë lënduar, dy prej tyre kanë pësuar djegie më të mëdha dhe janë dërguar për mjekim të mëtejmë në Prishtinë. Nxënësit janë të klasës së gjashtë”, ka thënë Gashi.
Edhe Spitali i Përgjithshëm në Pejë ka njoftuar se sot, rreth orës 11: 30, në spital janë paraqitur në urgjencë pesë nxënës të kësaj shkolle si pasojë djegieve që kanë marrë nga pëlcitja e gypave të ngrohjes qendrore.
“Dy nga ata me djegie 30%, janë nisur për në QKUK për trajtim të mëtejmë përderisa tre të tjerë janë pranuar për mjekim të mëtejmë në Spitalin e Përgjithshëm në Pej, në repartin e kirurgjisë, dhoma e fëmijëve. Urgjenca e Spitalit kishte të gjitha medikamente dhe materialin tjetër të nevojshëm mjekësor”, thuhet në njoftim. /te sheshi.com/
