Me mijëra refugjatë hynë në Austri përgjatë fundjavës ndërsa liderët europiane do të tentojnë sërish një përgjigje unike për krizën, në takime intensive që pritet të mbahen gjatë kësaj jave.
Autoritetet austriake thanë se presin një numër të madh refugjatësh nga Hungaria. Ministrat e Jashtëm të katër vendeve të Europës Lindore takohen për bisedime për krizën, në nisje të një vale të re përpjekjesh diplomatike.
Ministrat e Brendshëm të BE-së pritet të takohen të martën, ndërsa liderët e unionit takohen të mërkurën për një samit të jashtëzakonshëm.
Kriza e refugjatëve ka nxjerrë në pah ndasi të thella mes shteteve europiane. Presidenti francez, Francois Hollande tha se në BE “nuk mund të përjashtohet askush” nga detyrimi për të pranuar refugjatë që kanë të drejtën e azilit, ndërsa presidenti i Këshillit Europian, Donald Tusk tha se BR duhet të ndihmojë refugjatët sirian për një jetë më të mirë, në afërsi të shtëpive të tyre.
Por, në takim, ministrant e jashtëm të Hungarisë, Polonisë, Sllovakisë dhe Republikës Ceke pritet të konfirmojnë kundërshtinë e tyre ndaj apelit të Gjermanisë për një shpërndarje më të drejtë të refugjatëve.
Përgjatë fundjavës me mijëra refugjatë vijuan të kalojnë kufijtë e Europës Jugore e Lindore në rrugëtimin e tyre drejt Gjermanisë dhe vendeve skandinave. /tesheshi.com/
