Shumë kompani në Norvegji paguan shpërblime për punonjësit e tyre për Krishtlindje dhe Vitin e Ri shumë përpara këtyre festave.
Një prej këtyre kompanive është Ikea, e cila këtë vit ofroi shpërblime deri në 4,000 euro.
Secili prej 3,000 punonjësve të kompanisë, pavarësisht nga pozicioni i tyre, morri një bonus prej 4,000 euro secili për Krishtlindje dhe Vitin e Ri.
“Çdo punëtor që ka kaluar të paktën gjashtë muaj në kompaninë tonë do të marrë një shpërblim”, thanë nga kompania, e cila do të shpenzojë rreth 12 milion euro për shpërblimet e pushimeve.
Këto thuhet se janë shpërblimet më të mëdha të Krishtëlindjes dhe Vitit të Ri të paguara nga kjo kompani në Norvegji deri më tani.
“Kur arrijmë rezultate të mira, kjo është kryesisht për shkak të stafit tonë. Kjo është arsyeja pse ne duam t’i paguajmë ato, dhe shpërblimet janë një mënyrë e mirë për ta bërë atë”, tha Ikea.
Ata gjithashtu deklaruan se viti financiar nga shtatori 2018 deri në gusht 2019 ishte shumë i mirë dhe efikas për Ikean me një rritje të fortë dhe të qëndrueshme.
Kompania ka parë një rritje të konsiderueshme në krahasim me vitin 2018, kur shitjet e tyre ranë për herë të parë në 20 vjet. /tesheshi.com/
