Largimi i Shpend Ahmetit nga Vetëvendosje i ka kushtuar atij humbjen e shumicës në Asamblenë e Komunës të cilën e drejton prej dy mandatesh. Kjo pasi një pjesë e asambleistëve të ish-partisë së tij tyre kanë vendosur të mos e ndjekin pas, 7 sosh. Ndërsa 9 prej tyre do i gjenden krah në çdo votim. Një ka zgjedhur të jetë i pavarur.
Pra, 17 asambleistë kishte gjithsej VV në marrjen e mandatit të dytë në Prishtinë me Ahmetin, e që tani ka vetëm 7.
Ky zhvillim ka bërë që LDK të ketë tashmë grupimin më të madh të asambleistëve në Komunën e Prishtinës me gjithsej 15 të tillë.
Kështu prej sot, Shpend Ahmeti nuk gëzon më shumicën dhe kjo pritet t’i krijojë kosto në vendimarrjet që do të duhet të kalojnë nga vota në Asamblenë Komunale.
Me gjasë, ata që nuk kanë zgjedhur të jenë krah tij nuk do mundet ta kapërdijnë ikjen nga partia. Vota është “arma” tyre për t’u hakmarrë. /tesheshi.com/
