Ka përfunduar mbledhja e tri partive opozitare, LVV, AAK, NISMA, ku kanë diskutuar rreth mbarëvajtjes së protestës që do të mbahet me 18 Prill. Ndërsa para mediave ka dalë nënkryetari i Lëvizjes Vetëvendosje, Shpend Ahmeti, që ka prezantuar qëndrimin e tri subjekteve politike opozitare në Kosovë rreth gjendjes së krijuar, përkatësisht ka bërë të ditura disa detaje të protestës së parashikuar për të kundërshtuar këtë gjendje.
Sa i përket protestës së paralajmëruar për 18 prill, Ahmeti, pas takimit me përfaqësuesit e të dy partive tjera opozitare, AAK dhe NISMA, ka thënë se ajo ka për qëllim protestimin ndaj kapjes së institucioneve prej politikës.
Ndër arsyet tjera, sipas tij, është edhe çmimi i lartë i energjisë elektrike, funksionimi i televizionit publik RTK, “funksionimit” të Gjykatës Kushtetuese.
Kryetari i kryeqytetit me këtë rast ju ka bërë thirrje për dalje masive të qytetarëve, pasi që sipas tij, aty do të dëgjohet zëri i tyre. Po ashtu ka premtuar që protesta do të jetë e qetë dhe dinjitoze. /tesheshi.com/
