Ndërsa ka refuzuar të deklarohet pro apo kundër njërit krah në Vetëvendosje, atij të Kurtit apo të Visar Ymerit, kryetari i Prishtinës, Shpend Ahmeti ka dëgjuar thirrjen e Kurtit dhe pak para se të mbyllen votimet ka kryer obligimin e tij si anëtar i Lëvizjes Vetëvendosje për të votuar për të parin e këtij subjekti partiak.
Ky veprim i tij përfundimisht mposht zërat se ai do bashkohet me krahun e të dorëhequrve dhe kështu ka zgjedhur që rrugën e tij politike ta vazhdojë me Albin Kurtin.
Ndërkohë procesi zgjedhor tashmë është mbyllur, gjatë të ditës të dorëhequrit nga pozitat e larta në VV kanë heshtur duke mos thënë asnjë fjalë të vetme.
Në votime nuk ka dalë Visar Ymeri, Dardan Molliqaj, Dardan Sejdiu, Dukagjin Gorani, Driton Çaushi, Shqipe Pantina, Aida Dërguti, Zgjim Hyseni etj., të gjithë të larguarit nga pozitat udhëheqëse në VV kanë deklaruar se mbesin anëtar të partisë.
Rrjedhimisht këta kanë pasur të drejtë të votojnë por nuk e kanë shfrytëzuar të drejtën e tyre. /tesheshi.com/
