Shpend Ahmeti, kreu i Komunës së Prishtinës, tha se ka paditur qeverinë “Mustafa”. Duke dhënë sqarime para kuvendit komunal, Ahmeti tha se e ka ndërmarë këtë veprim pasi qeveria rezulton debitore karshi komunës së kryeqytetit.
“Kemi paditur Qeverinë e Kosovës, sepse na i ka marrë tokat para 6 viteve e nuk po paguan, janë 7 milion euro që na i kanë borxh e nuk po i paguajnë’’, ka thënë vetëvendosësi që drejton Prishtinën.
Pozita e tij si qeverisës lokal përballë qeverisjes vendore, është si ajo e Ramës kur për më shumë se një mandat qeverisi Tiranën me Berishën kryeministër, apo kur Basha në të njëjtin pozicion drejtoi kryeqytetin me Ramën në krye të qeverisë. Ahmeti akuzon rregullisht Mustafën, ish-paraardhës i tij, për mosfinancim projektesh për komunën që ai dikur e drejtonte. /tesheshi.com/
