Shpallje entuziaste nga Tirana: Rajoni, terren të lulëzuar për njerëzit!

Ministria e Financave dhe Ekonomisë organizoi Forumin e ministrave të Ekonomisë me titull “Tregu i përbashkët rajonal – një hap drejt Tregut Unik të BE”, ku një fjalëmbajtje pati dhe kryeministri Rama.

“Dua t’ju kujtoj se ky proces ka nisur nën kujdesin e kancelares Merkel në 2014, kur për herë të parë në histori udhëheqësit nga i gjithë Ballkani Perëndimor u ulën së bashku rreth një tryeze për të folur për të ardhmen e vendeve të tyre”, tha Rama, duke shpallur “duhet ta bëjmë këtë rajon një terren të lulëzuar për njerëzit”. ‘

Vjen ky pohim entuziast nga i pari i qeverisjes shqiptare në një kohërat e vështira që po kalon rajoni, sërish me tensione etnike në sfond, kërcënueshëm të stabilitetit social dhe ekonomik, si dhe me një valë ikjeje vështirë të frenueshme drejt Perëndimit.

Rama poho gjithashtu se “gjërat kanë ndryshuar dhe ne shohim me mjaft interes se në BE ka një bindje shumë më të fortë dhe janë më syhapur për rëndësinë që ka Ballkani Perëndimor për BE”.

“Sot, BE ka nevojë për Ballkanin Perëndimor po aq sa Ballkani Perëndimor ka nevojë për BE-në. Jemi këtu me ministra dhe zyrtarë të shquar nga vendet e BE për të diskutuar rreth temave më thelbësore të këtij procesi, që përfshin forcimin e ekonomive tona.

Integrimi me faza në tregun e përbashkët premton të na japë një ide të vyer, të paçmuar për rritjen ekonomike të Ballkanit Perëndimor në 10 vitet në vijim. Është koha për të ecur së bashku përpara dhe për t’u siguruar që nga fjalët premtuese të kemi vepra premtuese”, tha Rama. /tesheshi.com/