Dalja e djeshme e kreut të PD-së Lulzim Basha dhe kreut të Bashkisë së Kamzës, Xhelal Mziu për të shpallur Donald Trump-in si “Qytetar Nderi”, ka shfaqur pakënaqësi tek qarqet e Uashingtonit në Tiranë.
Pritet që ambasada amerikane të kërkojë shpjegime nga bashkia e Kamzës dhe opozita për këtë ngjarje që ata e cilësojnë më shumë se një “shfaqje e tepruar”.
Burime diplomatike bënë të ditur se autoritetet amerikane në Tiranë nuk kanë qenë fare të njoftuar për vendimin dhe tubimin publik të djeshëm në bashkinë e Kamzës.
Në një shfaqe që realisht nuk ishte një akt serioz, Lulzim Basha dhe Xhelal Mziu, kryebashkiaku i Kamzës kanë marrë pjesë në ceremoninë për të emërtuar bulevardin, por edhe për të shpallur publikisht vendimin e emërtimit “Qytetar Nderi” të Kamzës për njeriun më të fuqishëm të botës, presidentin e SHBA, Donald Trump.
Në fakt nuk ndodh asnjëherë që këto vendime të merren në sheshe, por
ashtu siç u bë nga Basha, si kandidat për kryeministër, është e pakta një performancë jo serioze për vetë presidentin Trump, por edhe akt që nuk e ngre figurën e shqiptarëve përpara botës.
Është një përpjekje ekstreme për të rënë në sy në ndonjë media amerikane periferike, për të bërë lajm qoftë edhe trashë nëpër rrjete sociale, e që gjithsesi përbën një akt që dëmton vetë Bashën.
Nëse do të kishte ndonjë dëshirë të madhe të popullit të Kamzës e për pasojë edhe Këshillit Bashkiak, për ta shpallur Presidentin e SHBA Donald Tump, kjo duhej të bëhej me rregull, duke vënë në lëvizje në radhë të parë ambasadën e SHBA e më pas Departamentin e Shtetit, për të shkuar deri në Shtëpinë e Bardhë.
Kjo do të ishte rruga serioze dhe jo vetën nga pikëpamja korteziale. Nuk nderohet presidenti i SHBA duke e bërë qytetar nderi në një qytet periferik të botës. Por as vetja me këtë mënyrë. Është qartazi e dikushme se ajo çfarë ka bërë dhe po bën Xhelal Mziu në Kamëm me emra të pazakontë rrugësh e sheshesh, nuk provokon vetëm se të qeshura e aspak vlerësime serioze. Dhe nuk është hiç e denjë që në të tilla shfaqje naive e të rëndomta në provincialitetin e tyre, të pëerfshihen dhe figura me staturë të lartë shtetare, apo që pretendojnë ta kenë të tillë, siç është z. Basha.
Trump mund ta marrë të tilla vlerësime dhe në metropolet kryesore të botës, por kjo nuk ndodh.
Ndërkohë, e sqaron më mirë se gjithçka këtë cështje precedenti i ish-presidentit Bush. Ai, gjatë vizitës në Shqipëri ishte në Fushë-Krujë, por askush nuk guxoi ta shpallte “Qytetar Nderi”. Dhe natyrisht as që u vendos në protokoll. Do të ishte një gafë e rëndë! /tesheshi.com/
