Gjykata Kushtetuese e Spanjës ka pezulluar sesionin e parlamentit të Katalonjës, në një përpjekje për të moslejuar vijimin e proçedurave për shpalljen e pavarësisë së rajonit, pas referendumit të së dielës.
Gjykata tha se një veprim i tillë do të ishte “një shkelje e kushtetutës”.
Kryeministri Mario Rajoy, gjithashtu, paralajmëroi qeverinë rajonale të Katalonjës për të mos vijuar proçedurat.
Carles Puigdemont, presidenti i Katalonjës, ka paralajmëruar se në seancën e javës së ardhshme mund të kërkojë shpalljen e pavarësisë nga Spanja.
Në vendimin e së enjtes, Gjykata Kushtetuese mbështeti një sfidë nga Partia Socialiste e Katalonjës, e cila kundërshton shkëputjen nga Spanja.
Organizatorët e referendumit të së dielës deklaruan pjesëmarrjen në 42%, me 2.2 milionë njerëz që morën pjesë. Ata thonë se 90% votuan për pavarësinë, megjithatë ata nuk kanë publikuar rezultatet përfundimtare. /tesheshi.com/
