Presidenti Biden ka shpallur një gjendje katastrofe të madhe në Kentaki, pasi një seri tornadosh vdekjeprurëse goditën shtetin federal të premten, tha një zyrtar i administratës, një vendim që hap rrugën për ndihmë shtesë federale.
Guvernatori i Kentakit, Andy Beshear, ka kërkuar zyrtarisht një vendim të tillë të dielën.
Biden e mori kërkesën dhe e miratoi të dielën mbrëma, tha një zyrtar i administratës, raportoi Reuters.
Guvernatori vlerësoi se tornadot ishin më shkatërruesit në historinë e shtetit, duke u shprehur se u shkatërruan edhe ndërtesat më të forta.
Një vorbull mbuloi 365 kilometra terren, pothuajse të gjithë Kentakin, tha Beshear.
Shërbimet e shpëtimit në Kentaki të dielën kontrolluan rrënojat në kërkim të të mbijetuarve dhe autoritetet kanë frikë se më shumë se njëqind njerëz janë vrarë dhe paralajmërojnë se ka pak shpresë për të gjetur të mbijetuar.
Gjashtë persona u vranë kur një tornado shkatërroi një magazinë të Amazonës në Illinois dhe një shtëpi pleqsh u shkatërrua në Arkansas, duke vrarë dy persona.
Katër persona u vranë në Tenesi dhe dy në Misuri.
Desoladoras imágenes esta mañana, de los severos daños en #Mayfield #Kentucky EEUU 🇺🇸 tras el #tornado
Créditos 🎥 LiveStormsMedia
Vía @ACinPhilly pic.twitter.com/7v12N5XJV8— Geól. Sergio Almazán (@chematierra) December 11, 2021
Qyteti i Mayfield në Kentakin jugperëndimor, shtëpia e 10,000 njerëzve, ka pësuar dëmtimet më të mëdha, ku shtëpitë janë rrafshuar me tokë ose kanë mbetur pa shtëpi, pemë të mëdha, me shenja trafiku që janë shkulur, me një fabrikë qirinjsh dhe një stacion zjarri e policie të shkatërruar. .
Më shumë se 300 anëtarë të Gardës Kombëtare po heqin rrënojat, dhe ekipet po ndajnë ujë dhe gjeneratorë, ndërsa Agjencia Federale e Menaxhimit të Krizave po hap strehimore dhe po dërgon ekipe dhe furnizime, duke përfshirë 30,000 ushqime dhe 45,000 litra ujë. /tesheshi.com/
