Portali World of Statistics merret ekskluzivisht, siç sugjeron emri, me të dhëna statistikore dhe parametra në zgjedhjen e diçkaje që është më e mirë, më e rëndësishme apo më e bukur se pjesa tjetër.
Kështu u zgjodh këto ditë qyteti më i bukur në botë. Gjatë zgjedhjes, portali u orientua nga mënyra se si është pozicionuar qyteti, si janë shtrirë rrugët dhe sheshet e tij, çfarë lloj aksesi ka për turistët dhe sa gjëra të rëndësishme ka për të ofruar.
Pa dyshim qyteti më i bukur në botë, sipas të gjitha këtyre parametrave, është Venecia.
Venecia ka deri në 83.3 për qind në vlerësimet e bukurisë dhe atraktivitetit, ndërsa pasohet menjëherë nga Roma “qyteti i përjetshëm” me 82 për qind.
Italianët kanë të drejtë të ndihen të rëndësishëm sepse është vërtet e pabesueshme dhe për herë të parë në sondazhe që dy qytete nga një vend i botës janë në krye për diçka.
Barcelona është në vendin e tretë, e ndjekur nga Praga, New York-u, Athina, Budapesti, Vjena, Bordeaux dhe Milano.
Është interesante që Parisi “qyteti i dritës” është vetëm në vendin e 12-të!
Venecia është aq e popullarizuar me turistët sa që planifikon të prezantojë bileta udhëtimi ditore prej pesë eurosh nga viti i ardhshëm në përpjekje për të menaxhuar ardhjet e turistëve, tha këshilli i qytetit.
Karta do të prezantohet provë për 30 ditë dhe fokusi do të jetë kryesisht te pushimet pranverore dhe fundjavat verore, kur numri i turistëve është në kulmin e tij. /tesheshi.com/
