Procesi mandatimit të krerëve të rinj të Bashkisë dalë nga zgjedhjet e 30 Qershorit, ka marë një goditje të rëndë pasi Gjykata e Durrësit nuk ia njeh atë Valbona Sakos së PS. E kjo për shkak se rivalja e saj në fletën e votimit, Valbona Sakollari nga Bindja Demokratike, sipas gjykatës është regjistuar në KQZ jashtë afateve ligjorë.
Gjykata gjykon se ky problem procedurial e shndërron në nul rezultatin, por dhe vetë procesin zgjedhor.
Ky zhvillim ka entuziazmuar kampion opozitar, ku kreu Basha menjëherë është shprehur: “Farsa e 30 qershorit është një grusht kriminal institucional i Edi Ramës, përmes të cilit ai uzurpoi pushtetin vendor, por edhe KQZ-në dhe gjithë sistemin e administrimit të zgjedhjeve përfshi kolegjin zgjedhor. Të gjithë ata që u bënë pjesë e këtij grushti kriminal institucional, të gjithë ata që i shërbyen Edi Ramës për të dhunuar Kushtetutën dhe ligjin me 30 qershor, do të përgjigjen para drejtësisë për veprimet e tyre kriminale”.
Tashmë, fjalën e fundit për këtë precedent do e ketë Gjykata e Apelit. /tesheshi.com/
