Eshtë bërë e njohur lista përfundimtare e 23 lojtarëve zvicerianë që do të udhëtojnë drejt Francës për Euro 2016-tën.
Asnjë prej lojtarëve me origjinë shqiptare nuk është lënë jashtë kësaj liste. Mvogo, Widmer dhe Zuffi u vendos të qëndronin në shtëpi, ndërsa Renato Steffen nuk u përfshi për shkak të një dëmtimi.
Disi e papritur ka qenë zgjedhja për të mos e përfshirë Philippe Senderos-in në emrat përfundimtarë, në vend të të cilit trajneri Vladimir Petkovic ka zgjedhur të marrë 19-vjeçarin Nico Elvedi.
Senderos qe kthyer që prej janarit në kampionatin zvicerian, duke luajtur për Grasshopersin, me një mungesë të theksuar të formës sportive, përpos dëmtimeve të ndryshme.
Veç tij, Petkovic ka vendosur më herët të mos e thërrasë dhe kapitenin Gökhan Inler, i cili ka luajtur fare pak gjatë këtij sezoni me Lestërin, skuadrën kampione të Anglisë.
Zvicra do të ndeshet me Shqipërinë më 11 qershor, në ndeshjen e dytë të Euro 2016-tës. /tesheshi.com/
