Shpallet sërish arritja e marrëveshjes ndërmjet Ramës, Bashës dhe Metës, pas një séance të gjatë bisedimesh me ndërmjetësimin e ambasadorëve, Donald Lu dhe Romana Vllahutin.
Edhe një ditë më parë ndodhi e njëjta skenë por që u prish më pas në orët e vona, gjë që çoi në një tension të lartë në ditën e sotme.
Marrëveshja është shpallur nga Ilir Meta, i cili në një deklaratë për shtyp falënderon Ramën e Bashën, por edhe dy ambasadorët.
Ndërkaq, Edi Rama, nuk ka lëshuar asnjë fjalë por në twitter ka postuar tre flamujt: shqiptar, të SHBA-së dhe BE-së, si dhe tre shenja buzëqeshjeje.
Marrëveshjen e ka përshëndetur edhe kreu i PD-së, Lulzim Basha.
Tani pritet të mblidhet Komisioni i Posaçëm i Reformës Zgjedhore dhe më pas të fillojë séanca për të miratuar draftin.
Partia Demokratike ka paralajmëruar një mbledhje grupi në orën 19.00. Do të marrë vendim pozitv?! Të shohim…/tesheshi.com/
