Ekipet evropiane të futbollit zbuluan të hënën emrat e kundërshtarëve në eliminatoret e Kupës së Botës 2022 që do të organizohen nga Katari.
Shqipëria do ketë sërish përballë, pas disa dekadash, Poloninë, një ekip me të cilin dikur, në kulmin e saj më të famshmin Bonjek, ose ndryshe dyshen Lato-Bonjek, do barazonte 2-2 në Varshavë. Ishte epoka e artë e Shyq Rrelit, ku Shqipëria do mundte dhe Belgjikën 2-0.
Gjithashtu, Shqipëria do luajë sërish në Uembli, siç gati tre dekada më parë, kur Demollari do shokonte Shiltonin me një gol spektakolar, çuditërisht i anolluar.
Ndërsa Kosova do ketë përballë Spanjën ndër ekipet Big.
55 ekipe kombëtare marrin pjesë në kualifikimet evropiane, të ndara në 10 grupe – pesë grupe me nga pesë ekipe dhe pesë grupe me nga gjashtë skuadra.
Kualifikuesit do të luhen nga marsi deri në nëntor 2021, ndërsa play-offet janë planifikuar nga 24 deri më 29 mars, 2022.
Kupa e Botës do të mbahet nga 21 nëntor deri më 18 dhjetor 2022 në pesë qytete të Katarit (Doha, Lusail, Al Khor, Al Wakrah, Al Rayyan).
Grupet
Grupi A: Portugalia, Serbia, Irlanda, Luksemburgu, Azerbajxhani
Grupi B: Spanja, Suedia, Greqia, Gjeorgjia, Kosova
Grupi C: Italia, Zvicra, Irlanda e Veriut, Bullgaria, Lituania
Grupi D: Franca, Ukraina, Finlanda, Bosnja dhe Hercegovina, Kazakistani
Grupi E: Belgjika, Uellsi, Republika Çeke, Bjellorusia, Estonia
Grupi F: Danimarka, Austria, Skocia, Izraeli, Ishujt Faroe, Moldavia
Grupi G: Hollandë, Turqi, Norvegji, Mal i Zi, Letoni, Gjibraltar
Grupi H: Kroacia, Sllovakia, Rusia, Sllovenia, Qipro, Malta
Grupi I: Anglia, Polonia, Hungaria, Shqipëria, Andorra, San Marino
Grupi J: Gjermania, Rumania, Islanda, Maqedonia Veriore, Armenia, Lihtenshtajni /tesheshi.com/
