Sot është hedhur shorti i 1/8-ave të Ligës së Europës, ku nuk kanë munguar surprizat.
Një e tillë është përballja e tëra angleze mes Liverpulit dhe Mançester Junajtedit. Ky është dhe takimi i parë në Europë për dy prej klubeve më të mëdha angleze. Sfidën mes tyre e bën më interesante fakti se ato po zhvillojnë një sezon me luhatje të mëdha, e në pozita aspak të mira në Premier League.
Një përballje tjetër që tërheq vëmendjen është Borusia e Dortmundit – Totenhem, që vë karshi njëra-tjetrës dy prej skuadrave më në formë në kampionatin gjerman dhe anglez.
Nuk mungon dhe një çift i tëri spanjoll. Atletik Bilbao do të ketë punë me Valencian.
I gjithë shorti është ky:
Shakhtar i Donjeckut – Anderleht
Bazel – Sevilja
Vilareal – Bajer Leverkusen
Atletik Bilbao – Valencia
Liverpul – Man. Junajted
Borusia e Dortmundit – Totenhem
Sparta e Pragës – Lacio
Fenerbahçe – Sporting Braga
Ndeshjet e para do të zhvillohen më 10 mars, e ato të kthimit do të jenë një javë më pas, më 17 mars. /tesheshi.com/
