Sapo është hedhur shorti i një të tetave të Champions League-s, që ka vënë karshi 16 skuadrat e kualifikuara në fazën në grupe.
Skuadrat kanë qenë të ndara në dy vazo, në ato të vendeve të para në grupe, e të vendeve të dyta. Eshtë përjashtuar përballja mes skuadrave të të njëjtit vend, ashtu siç nuk është lejuar përballja mes skuadrave të të njëjtin grup.
Mes çifteve, bën përshtypje ai mes Realit të Madridit, kampionëve në fuqi, dhe Napolit, ekipit ku luan Elseid Hysaj, mbrojtësi i kombëtares shqiptare.
Bajerni i Mynihut ndaj Arsenalit është po ashtu një përballje tepër interesante. Nuk duhet lënë gjithashtu pa nënvizuar sfida PSG – Barcelona.
Mançester Siti – Monako, Benfika – Borusia e Dortmundit, Porto – Juventus, Bajer Leverkusen – Atletiko e Madridit dhe Sevilja – Lestër Siti janë pesë çiftet e tjera.
