Individë, pjesë të shoqërisë civile, përmes një letre u janë drejtuar qytetarëve me thirrjen që të mbështesin zgjedhjet e parakohshme, si rrugë për dalje të vendit nga ngërçi politik.
“Jetojmë ditët e mosbesimit në institucionet e shtetit, të dyshimit në fuqinë e qytetarit dhe në mundësinë e ndryshimit shoqëror. Andaj, përkrahim kërkesat për zgjedhje të parakohshme parlamentare”, thuhet në letër.
Qytetarët kërkojnë që caktimi i datës së mbajtjes së zgjedhjeve të arrihet përmes dialogut parlamentar, duke mundësuar kohë për hartimin e ofertave zhvillimore dhe programeve elektorale.
“Zgjedhjet e parakohshme i kuptojmë si instrument final për ndërprerje të paralizës parlamentare dhe të agonisë shoqërore. Ato duhet ta riprodhojnë legjitimitetin e
institucioneve, ta rikthejnë besimin e qytetarit në shtet dhe ta mundësojnë llogaridhënien e pushtetit”,- vijon letra.
Përkrahim zgjedhje për ndryshim të qeverisjes, jo për ndërrim të qeverisë, thuhet në këtë letër të nënshkruar nga:
Besa Luzha
Bardha Ahmeti
Vigan Sejdiu
Argjentina Grazhdani
Dukagjin Gorani
Ilir Mirena
Linda Shala
Dardan Velija
Kujtim Salihu
Vlera Kastrati
Arbnora Gojani Mazreku. /tesheshi.com/
