Një ngjarje e rëndë por fatmirësisht pa fund tragjik, ndodhi pasditen e kësaj të diele në Tiranë, te një prej kryqëzimeve të 21 Dhjetorit, në afërsi të Ish-Parkut.
Një mercedez luksoz, ku në drejtim person me precedentë, përplasi në vijat e bardha, pasi kaloi me të kuqe, një çift me foshnjën tre muajshe.
Autori është Aris(Ilir) Sulejmani, i cili u largua nga vendngjarja, një 39-vjeçari që rezulton në kërkim nga autoritetet DuPage County e SHBA për posedim kanabisi dhe trafikim të lëndëve narkotike.
Raportohet se ai po lëvizte pa patentë në rrugën e Kavajës, ku u fut me semafor të kuq duke shkaktuar aksident te vijat e bardha. Ai ishte me shpejtësi tej normave kur përplasi çiftin dhe foshnjën që ndodhej në karrocë, e si pasojë këta të fundit ndodhen në spitalin e Traumës, ku po marrin mjekim intensiv. Raportohet se gjendja e tyre, si dhe e foshnjes, është e stabilizuar. /tesheshi.com/
