Të mbyllësh karrierën si futbollist nuk do të thotë se e ke mbyllur me sportin. Këtë ka dashur të dëshmojë, ish-mbrojtësi i Mançester Junajtid, Rio Ferdinand, i cili të martën është shprehur se do t’i kushtohet karrierës si boksier.
Një prej mbrojtësve më të mirë në botë në vitet 2000, Ferdinand u tërhoq nga futbolli në moshën 36 vjeçare, e sot pas dy vjetësh, është krejt i kthjellët në deklaratën e tij, deklaratë që shumëkush e përktheu si lajthitje.
“Nuk është një sfidë që po e marr lehtë dhe e kam sa për të thënë. Boksi është një sport i mrekullueshëm për trupin dhe për mendjen”, theksoi 38 vjeçari Ferdinand.
Ish-futbollisti i kombëtares së Anglisë ka shkruar në rrjetet sociale se mezi pret për të nisur këtë aventurë.
Mediat në Londër shkruajnë se Ferdinand do të “dokumentojë” me pamje filmike stërvitjen që do të zhvillojë me stafin e tij si boksier, për të synuar që në serinë e fundit të këtij dokumentari, të zhvillojë ndeshjen e tij të parë, kundër Kërtis Udhauz, një ish-mesfushor i Shefild Junajtid, i cili pasi la futbollin, u bë boksier profesionist./tesheshi.com/
