Legjenda e futbollit italian, Paolo Rossi, u nda nga jeta në moshën 64 vjeç pas një sëmundje të gjatë dhe të rëndë, raportoi RAI Sport TV.
Stacioni TV sportiv njoftoi të enjten në mbrëmje se “Pablito vdiq nga një sëmundje e pashërueshme”, dhe drejtuesi Enrico Varriale shkroi në Twitter:
“Pablito i paharrueshëm, me të cilin të gjithë u dashuruam në verën e vitit 1982 dhe i cili ka qenë një koleg i vlefshëm dhe kompetent në RAI vitet e fundit, ka ndërruar jetë”.
Vdekja e Rossit u konfirmua nga gruaja e tij Frederica Cappelletti në Instagram.
Rossi fitoi Këpucën e Artë si shënuesi më i mirë në Kupën e Botës 1982, dhe gjithashtu Topin e Artë si lojtari më i mirë i Kupës së Botës në Spanjë.
Rossi kaloi gjithë karrierën e tij në Itali, ku dhe u dënua me një ndalim tre-vjeçar për pjesëmarrje në trukimin e ndeshjeve, i njohur si “Totonero”, megjithatë, ai gjithmonë mohoi që ai ishte i përfshirë.
Ndalimi u hoq pas dy vjetësh, kështu që ai u kthye në Itali pikërisht në kohë për të fituar Kupën e Botës.
Në Spanjën e ’82, me golat e tij, ai mundi gjigandin e kohës, Brazilin e madh me yje si Ziko, Eder e Sokatres, e gjithashtu Gjermaninë në finale.
Por tre golat ndaj Brazilit ne çerek finale, i cili konsiderohej si ndër ekipet më të mira në të të gjitha kohërave, ishin ato që bën historinë Rossi. /tesheshi.com/
