Ishulli italian Capri ndaloi të shtunën e 22 qershorit ardhjen e turistëve për shkak të mungesës së ujit të shkaktuar nga problemet me furnizimin nga kontinenti.
Kryebashkiaku i atyshëm Paolo Folco shpalli ndalimin në orën shtatë të mëngjesit, si rezultat i të cilit disa tragete tashmë në rrugën e tyre për në ishull u detyruan të ktheheshin prapa.
Kompania e ngarkuar me furnizimin me ujë të ishullit njoftoi se kishte pasur vështirësi teknike të enjten dhe megjithëse më vonë njoftoi se ishte zgjidhur, Capri ka ende mungesë uji.
Gjatë shpalljes së ndalimit, Falco paralajmëroi për një “situatë vërtet të jashtëzakonshme”, duke thënë se megjithëse kishte pak ujë në ishull të premten, rezervuarët po zbrazeshin.
“Situata përkeqësohet me ardhjen e një mijë turistëve çdo ditë në Capri”, tha ai.
Banorët e atij ishulli afër Napolit kanë të drejtë për 25 litra ujë të pijshëm për familje, ka bërë të ditur kryetari i komunës.
Ndalimi i ardhjes së turistëve do të mbetet në fuqi deri në një njoftim të dytë, shtoi ai.
Capri, një ishull i njohur për vilat e bardha, gjiret dhe hotelet kryesore, ka rreth 13 mijë banorë. /tesheshi.com/
