Autoritetet italiane kanë sekuestruar prona në Sardenjë me vlerë rreth 105 milionë euro në pronësi të Nikita Mazepin dhe babait të tij.
Bëhet fjalë për një pilot 23-vjeçar rus të Formula 1, deri pak kohë më parë pilot i skuadrës Haas dhe sekuestrimi i referohet një vile të njohur që ndodhet në veri të ishullit.
Nikita Mazepin u shkarkua nga skuadra amerikane F1 në mars dhe që atëherë ai është nën sanksione nga autoritetet italiane, sepse Bashkimi Evropian, ashtu si babai i tij Dmitry, e sheh atë si bashkëpunëtor të presidentit rus Vladimir Putin.
“Unë nuk jam dakord me sanksionet, por s’e kam ndërmend të luftoj kundër tyre”, tha ai.
Dmitry Mazepin konsiderohet si një anëtar i rrethit më të ngushtë të miqve të Vladimir Putin.
Që kur Rusia agresoi Ukrainën më 24 shkurt, Britania, Bashkimi Evropian dhe Shtetet e Bashkuara kanë vendosur sanksione ndaj oligarkëve rusë të afërt me regjimin e Vladimir Putin, duke sekuestruar asete të vlefshme dhe duke bllokuar llogaritë e tyre. /tesheshi.com/
