Një gjykatë izraelite dënoi të hënën një emigrant hebre për vrasjen e një çifti palestinez me një fëmijë në korrik 2015.
Amiram Ben-Uliel, atëherë 20 vjeç, hodhi një bombë në shtëpinë e një familje palestineze në fshatin e Bregut Perëndimor Duma afër Nablus. Aliu, një fëmijë 18 muajsh dhe prindërit e tij po flinin në dhomën e tyre në kohën kur shpërtheu zjarri.
I mituri u dogj i gjallë në sulm, ndërsa prindërit e tij u shuan pak më vonë nga plagët.
Vëllai 4-vjeçar i Aliut u plagos keq, por mbijetoi.
Emigranti ekstremist donte të hakmerrej për vrasjen e një izraeliti një muaj më parë.
Eshtë përcaktuar se i dyshuari kryesor nuk ka qenë anëtar i një organizate terroriste, tha gjykata në një deklaratë në lidhje me dënimin.
Ndihmësi i Ben-Uliel në sulm, i cili ishte i mitur në kohën e krimit, arriti një marrëveshje me prokurorinë vitin e kaluar.
Hussein Dawabsha, gjyshi, u tha gazetarëve në gjykatë se ai ishte “i kënaqur” me aktgjykimin, por që ajo nuk do t’i kthejë vajzën, dhëndrin dhe nipin e tij.
Tani, 9-vjeçari Ahmed Dawabsha, i cili i mbijetoi sulmit me djegie të rënda, pyet “çdo natë” gjyshin e tij, ku ishin nëna e tij, babai dhe vëllai.
“Ky aktgjykim nuk lehtëson përgjigjen time ndaj tij,” i tha Husein Dawabsha. /tesheshi.com/
