Ish-ministri i Jashtëm kosovar, Enver Hoxhaj, që me gjasë edhe emri i duhet t’i jetë venë për nder të Enver Hoxhës, siç ka ndodhur në me prindërimin kosovar të periudhës jugosllave, ka treguar atë që shumë kosovarë kanë përjetuar në ardhjen e parë në Shqipëri pas rënies së regjimit, si andej e si këndej kufirit: zhgënjimin e thellë.
“Shqipëri kam ardhur për herë të parë në vitin 1992, në një kongres të historianëve, në një delegacion ku kanë qenë historianët më të mëdhenj të Kosovës dhe të Shqipërisë. Atëherë ka qenë vizita ime e parë në Shqipëri dhe zhgënjimi im i madh, sepse unë jam rrit në një familje atdhetare që ka dashur Shqipërinë. Shqipërinë e mendonim vend të bukur dhe të mirë e madje e kemi ndjek nga televizioni shqiptar. Por ishte një zhgënjim i madh kur e pashë nga afër. Dhe kur jam kthyer në Kosovë, bëja përpjekje që t’i ikja bisedës. Nuk doja të tregoja atë që pashë. Ishte një nga zhgënjimet më të thella që unë kam parë”, tha ai në Euronews Albania.
Pra, për Enver Hoxhajn, Shqipëria e Enver Hoxhës ishte krejt tjetërçka nga ajo që iluzionuar kosovarët, të cilëve, atdhedashuria e flaktë u kishte diktuar një realitet virtual për shtetin amë, kjo dhe për shkak të propogandës komuniste,
Dhe Enver Hoxhaj nuk është i vetmi. Pothuajse çdo shqiptar që ka shkelur për herë të parë në Shqipëri pas 92-shit, nga Kosova, Maqedonia apo vende të tjera, kanë pësuar shock psiqik nga diferenca mes virtuales dhe reales. /tesheshi.com/
