Ka qenë më i qartë se ajo masë politikanësh që gërrnjarojnë ndaj sistemit; e ka patur me atë zgjedhor. Por përbetimi që ka bërë deputeti i ri i ardhur nga lista e LSI-së, Ralf Gjoni, përbën një shock të vërtetë, i cili në dyshim sa inteligjencën e sa vetëdijen e tij politike.
Kjo për dy arsye. E para, sistemi është një prej disa sosh që aplikohen në botën demokratike, me të metat dhe avantazhet e veta, ku nga kjo e fundit i është bërë e mundur vetë Gjonit që të jetë në parlament. Me sistem tjetër, vështirë se mund ta prekte këtë ëndërr.
E dyta ka të bëjë me “valixhet”, pra me moralin. Nuk është një njeri i thjeshtë, është deputet. Aksidentalisht apo logjikisht, është te pjesa e përgjegjësisë së madhe politike dhe nuk mund të përcjellë ndjesi e mesazhe të rëndomta prej njerëzish që mund të kenë probleme me veten më s’pari.
Ai mund të zgjedhë të marrë valixhet e t’ja mbathë, është zgjedhje e tij, por këtë s’mund t’ja shesë opinionit për akt atdhetar. E për çfarë? Për llojin e sistemit zgjedhor(!!!)
Prej së këndejmi, atij nuk i vlen as shkollimi, por nuk e meriton gjithashtu as përgjegjësinë politike që mund t’i jipet. Sepse nuk mund të braktiset atdheu për çdo lloj padakortësie që ti mund të kesh në planin politik. E aq pak më pak ta ofrosh këtë kusht – marrjen e valixheve – si kauzë politike.
Mëshirndjellëse akti i skuqjes me bojë që iu bë nga “paramilitarët” e partisë së tij, por torturuese të ballafaqohesh me mendjefyëllsinë e një njeriu që Zoti i ka dhënë çdo gjë – mendjen, shëndetin, pamjen, etj., – e që në një moshë pjekurie nuk e di se ç’flet e ç’shkruan. /tesheshi.com/
