Pas disa rasteve të shkarkimeve të diskutueshme nga vettingu, të emrave lehtësisht të provuar të pastërtisë profesionale në sistemin e drejtësisë, ka ardhur i radhës, shokues. Është shkarkuar prokurorja e njohur Elizabeta Imeraj, kurrë e përfolur, gruaja e shumë dosjeve të nxehta, ndaj së cilës vetting morri në konsideratë letra anonime nga persona anonim, të cilët nuk ekzistonin fizikisht.
Këtë, ajo jua tha dhe gazetarëve.
“Shpresoj ta kem të argumentuar kush e shpreson shkarkimin tim nga sistemi i drejtësisë. Jeni të ftuar në cilësinë e gazetarëve të merrni çdo fletë të dosjes hetimore, ku vërtetohet në mënyrë të plotë e të qartë se Imeraj ka zero pasuri në pronësi dhe bashkëpronësi. Puna ime prej 17 vitesh besoj se e ka folur qartë se si është kryer puna e prokurorit dhe rezultatet e marra prej tyre. Më shumë se 160 të pandehur janë dënuar me formë të prerë dhe vetëm tre prej tyre kanë marrë pafajësi. Pra rezultati në raport me atë çka KPA vendosi është disproporcional”, deklaroi prokurorja Imeraj.
Imeraj shtoi se “ajo çfarë Reforma në Drejtësi synon është krijimi i një sistemi të pavarur, që tejçon besim te publiku, pavarësisht se sa është tensioni, presioni i raporteve politike, kriminale apo edhe të vëzhguesve ndërkombëtarë. Ky proces ka qenë prej fillimi i afektuar, për shkak edhe të futjes së kartelave apo dokumentacionit të pasurisë të falsifikuar, pranimit apo bërjes si burim prove apo denoncimeve anonime”.
Në fakt ajo e kaloi vettingun, por ishte Kolegji i Posaçëm i Apelimit që rrëzoi sot vendimin e Komisionit të Pavarur të Kualifikimit për Imerajn. /tesheshi.com/
