Presidenti rus dhe ai turk, Vladimir Putin dhe Rexhep Tajip Erdogan, u daklortësuan gjatë një takimi mes tyre në Soçi për të krijuar një zonë të demilitarizuar në provincën siriane Idlib, në mes të forcave të Bashar al-Assad dhe atyre kryengritëse të opozitës.
Do jenë forcat ruse dhe ato turke që do të patrullojnë në një zonë mes 15 dhe 20 kilometra.
Putin tha se armët e rënda duhet të tërhiqen nga zona deri në 10 tetor.
“Bashkëpunimi ynë, veçanërisht në çështjet rajonale, jep një shpresë për të gjithë rajonin. Jam i bindur se sot sytë e të gjithë botës janë drejtuar drejt Soçit. Jam i bindur se rezultati i këtij takimi do të sjellë një shpresë të re për rajonin”, tha Erdogan para arritjes së paktit.
Putin tha në prag të një takimi me Erdogan se ai së bashku do të kërkojë zgjidhje për çështje të komplikuara.
“Ka shumë tema për të cilat do të flasim. Disa nga pyetjet janë të komplikuara. Do t’i diskutojmë të gjithë dhe do të kërkojmë një zgjidhje”, tha Putini, duke shtuar se ai është në kontakt të vazhdueshëm me udhëheqësin turk. /tesheshi.com/
