Fushata sensibilizuese e partisë VMRO-Popullore, të ish kryeministrit të Maqedonisë Lupço Georgievski, pengohet dhunshëm nga pushteti duke larguar bilbordet e vendosura nëpër rrugë, me të cilat kanë synuar, siç thonë ata, të alarmojnë për rezikun që i kanoset identitetit maqedonas duke imponuar kulturën serbe në Maqedoni.
Nga kjo parti thonë se dhuna e manifestuar nuk do t`i dekurajojë, por përkunrazi, ata do t’vazhdojnë me entuziazëm më të madh të realizojnë projekte të reja.
Ditë më parë, ish kryeministri Georgievski, akuzoi partinë maqedonase në pushtet se me qasjen e saj, ka rritur armiqësinë me Greqinë pesëfish nga ajo që ishte në vitin 2006, kur erdhën në pushtet; Bullgarinë, nga mike e kanë shëndëruar në bllokues të eurointegrimeve, e se marrëdhëniet ndëretnike me shqiptarët mbahen në tension të lartë ndërsa çuditërisht, kemi hapje të jashtëzakonshme me Serbinë. /tesheshi.com/
