Përveç përfaqësuesve politikë, qytetarët në Maqedoni kërcënojnë edhe përfaqësuesit diplomatikë. Para disa javësh, një shqiptar kërcënoi me vdekje deputetin e Lëvizjes BESA, Afrim Gashi; ndërsa sot, nga Ministria e Punëve të Brendshme kanë bërë të ditur se një shkupjan ka kërcënuar ambasadorin e SHBA-së, Xhes Bejli duke dërguar porosi në profilin zyrtar në Facebook të Ambasadës së SHBA-së në Maqedoni.
Bëhet fjalë për 34-vjeçarin T.T i cili kërcënimet i ka bërë në periudhën prej 14 deri 16 prill 2016 nga profili i tij në facebook në më shumë raste.
Siç ka bërë të ditur policia, kërcënuesi ka publikuar koment me përmbajtje të pahijshme dhe ka dërguar kërcënime indirekte ndaj përfaqësuesit të SHBA-së në Maqedoni dhe ndaj familjes së tij.
Deri tani nuk dihet nga rrjedhë gjithë ai mllef i qytetarit për të kërcënuar pikërisht diplomatin më me peshë në vend.
Në opinion e më gjërë dyshohet të mos jetë ndonjëri nga aktivistët gjegjësisht i porositur i partisë maqedonase VMRO-DPMNE, meqë kjo parti së fundmi dukshëm ka prishur marrëdhëniet me faktorin ndërkombëtarë.
Ndryshe sektori për krim kompjuteri dhe forenzikë digjitale ka ngritur padi penale kundër tij, nën dyshimin se ka bërë veprën penale “shkelje të imazhit të shtetit të huaj”. M.Krasniqi
