Mensur Krasniqi
Pardje tetovarët, sot shkupjanët protestuan kundër ajrit të ndotur. Ashtu siç është paralajmëruar protesta ka filluar në parkun e qytetit në Shkup dhe ka mbaruar para Komunës së qytetit të Shkupit.
Me këto parulla “Dua Baba Dimri të më sjellë ajër”, “Mendoj do të thotë marr frymë”, Stop smogut tash”, “Shëndeti jonë nuk është lojë”, “A keni plan?”, “Ju dhe fëmijët tuaj çfarë ajri po merrni”, pjesëmarrësit në protestë kërkuan nga institucionet kompetente që të ndërpritet përdorimi i gomave të veturave si lëndë djegëse në prodhim, të vendohet filtra të fillojë gasifikimi në Shkup dhe menjëherë të ndërpritet prerja e drunjve.
Në fund qytetarët janë shpërndarë në mënyrë të qetë dhe me shpresë se kërkesat e tyre do të arrijnë në veshin e autoriteteve qeveritare. /tesheshi.com/
