Maqedonia Veriore nuk do të lejojë refugjatët sirianë që të hyjnë në territorin e saj, tha kryeministri Oliver Spasovski.
Ai tha se kjo ishte politika e të gjitha vendeve në rajon, e shtoi se tranzitimi i refugjatëve nuk ishte më një mundësi.
“Situata është e qëndrueshme tani për tani dhe nuk ka asnjë tentativë të refugjatëve që mund të përpiqen të hyjnë në territorin e Maqedonisë Veriore. Sidoqoftë, qëndrimi është që ne do kemi zero tolerancë për këtë,” tha Spasovski.
Më parë, Ministri i Brendshëm Nace Chulev njoftoi mbylljen e plotë të kufirit jugor me Greqinë, për të parandaluar një rritje të re të refugjatëve.
Maqedonia Veriore, tha ai, ka kapacitetin për ta bërë këtë dhe tani është shumë më e përgatitur sesa ishte gjatë krizës së në 2015.
“Ne kemi oficerë policie partnerë në patrulla të përbashkëta në kufirin jugor. Aktualisht, 131 oficerë policie nga tetë vende janë të vendosur dhe ne kemi mjetet materiale dhe teknike. Ne do të maksimizojmë mbylljen e kufirit tonë dhe do të parandalojmë një valë të re refugjatësh në territorin e vendit tonë, e rrjedhimisht dhe në territorin e Bashkimit Evropian.” tha Chulev. /tesheshi.com/
