Shkupi ka kaluar një natë të tmerrshme si pasojë e një moti të pazakontë me shi e furtunë.
Llogaritet që dhe numri i rrufeve të ketë qenë në rreth 800 sosh, sipas disa mediave vendase.
Situata më e rëndë është paraqitur në lagjen “Hasanbeg”, si dhe në një pjesë të autostradës “Nënë Tereza”, në segmentin e unazës së madhe të kryeqytetit maqedon, ku mendohet të ketë dhe viktima në njerëz, për shkak se shumë makina mbetën të bllokuara nga sasia e madhe e ujit.
Sot situata është qetësuar dhe autoritetet kanë nisur të vlerësojnë dëmet, si dhe të kërkojnë për viktimat e mundshme dhe konfirmimin e identitetit të tyre.
Edhe dy vjet më parë, në fund të majit, Shkupi e Tetova u përfshinë nga përmbyjet si pasojë e shirave, ku ngjarja më e rëndë ishte ajo e humbjes së jetës së një vajze shqiptare në periferitë e Tetovës, e cila u gjet pas disa ditësh. Ndërsa Shipkovica, fshat sipër këtij qyteti, u bë simbol i shkatërrimeve nga vërshimi i ujrave. /tesheshi.com/
