Kryeqyteti i Maqedonisë ka prekur majën e listës botërore për nga ndotja e ajrit, duke lënë pas vetes qytetet Kalkuta të Indisë, Daka të Bangladeshit e shumë metropole tjera botërore të njohura për nga ndotja. Matjet në Shkup tregojnë 376 mikrogram grimca kancerogjene për metër kub, kufiri maksimal për pranin e grimavave PM10 i lejuar nga Bashkimi Evropian është 50 mikrogram.
Autoritetet në vazhdimësi kanë paralajmëruar masa kundër ndotjes, përfshirë edhe këto të sotmet kundër zjarreve që mund të ndizen nga të pastrehët apo faktorët të tjerë, autobusët elektrikë, hartimin e një plani për transport modern, ndalimin e ndërtimeve pa leje e të tjera.
Por sa vetë kryetarët e komunave e ruajnë ajrin që të mos ndotet nga makinat.
I pari i Shkupit, Petre Shilegov shfrytëzonte transportin publik pas zgjedhjeve lokale si shembull për qytetarët, kurse tani kur ajri është edhe më i ndotur ai përdor makinën zyrtare.
Shilegov tha se nuk mund të pritet zgjidhje të shpejt dhe spektakulare të këtij problemi që po helmon çdo ditë e më tepër banorët e kryeqytetit.
“Dje nënshkruam për stacion pastrimit, kjo është masë e cila nuk mund të jep rezultate për kohë të shkurtër. Të mos presim rezultate filmash. Ky stacion do të mundësoj që 5-6 nga tash lumi Vardar të jetë ngjyrë hiri, kjo është masë sistemore e cila qytetarëve të Shkupit do të ju mundësoj ajër të pastër. Nuk mundemi të presim rezultate spektakulare, mund të presim përmirësim të gjendjes në sektorë të caktuar” , tha Shilegov.
Ndotja më e madhe është regjistruar në lagjen Karposh me 383 grimca 10 PM në një metër kub ajër, e ndjekur nga Komuna Qendër me 316, 291 në Lisice, 261 në Gazi Babë dhe 395 grimca 10 PMpër metër katror në rajonin e Rektoratit.
Stefan Bogoev, kryetari i ri i Karposhit, në konferencën për shtyp para disa ditëve shkonte me veturë. Sipas tij “me një lule nuk çel pranvera”, por qytetarëve u rekomandoi që të përdorin transport publik.
“Problemi më i vogël është që ne të ulemi në autobus ose të shkojmë në punë me biçikletë. Megjithatë, në përgjithësi duhet që qytetarët t′i udhëzojmë që të përdorin mjete të tilla të transportit. Për shkak se me një lule nuk çel pranvera”, tha Stefan Bogoev, Kryetar i Komunës së Karposhit
Edhe kryetari i komunës së Gazi Babës, Boris Georgievski, në punë erdhi me automobilin e tij “Shkoda”. Ai thotë se duhet të jetë shembull për të tjerët, por nuk precizoi se kur do të fillojë të udhëtojë me transport publik.
“Pajtohem se transportin publik edhe ne si kryetarë komunash e përdorim. Të them se gjatë ardhjes në punë përdorim automobil ose biçikletë. Mendoj se kemi mjete alternative, ndërsa ne posaçërisht duhet të jemi shembull për të tjerët”, tha Georgievski.
Rikthehet ndotja e ajrit. Qendrat e matjes në çdo mëngjes regjistruan nivel alarmant të ndotjes së ajrit. Kufiri maksimal për pranin e grimavave PM10 i lejuar nga Bashkimi Evropian është 50 mikrogram në periudhë kohore prej 24 orësh.
Miradie Hasani – /tesheshi.com/
