Shkupi vijon të jetojë çudira. Pas një lloj “tcunami” në lagjen Hasanbeg një javë më parë, ku si pasojë pati dhjetra viktima, një tjetër gjëmë ka ndodhur në lagjen “Nerezi i Mesëm”, ku disa ujqër kanë hyrë në oborret e shtëpive duke iu sulur gjësë së gjallë. Por nga ajo që njoftohet, bëhet fjalë për një qen të mbytur dhe një dhi të ngrënë.
Banorët kanë thënë se kanë vërejtur një ujk të madh të zi i cili i ka sulmuar shtëpitë, gjë që ka shkaktuar panik të madh mes tyre.
Dhe kjo ka bërë që komuna e Karposhit, nën administrimin e së cilës është lagjja, të paralajmërohë qytetarët që të kenë kujdes gjatë shëtitjeve në orëve e vona të natës.
Mbetet mister se si në këtë stinë, ujqërit kanë arritur të zbresin nga mali e të futen në zona të banuara në fushë. /tesheshi.com/
