Transplantimi i parë i zemrës në Maqedoninë Veriore nga një donator i ndjerë u krye me sukses në Klinikën Universitare për Kirurgji Kardiake Shtetërore në Shkup.
“Me këtë, ne kemi shkruar histori, sepse për herë të parë në vendin tonë, është kryer një transplant i zemrës nga një donator i ndjerë. Për herë të parë, janë bashkuar kapacitetet, përvoja dhe ekspertiza e kirurgëve tanë të lartë kardiakë “, tha Ministri i Shëndetësisë së Maqedonisë Veriore, Venko Filipče, në një konferencë për shtyp.
Ndërkaq, dy veshka nga i njëjti dhurues u transplantuan në Klinikën e Urologjisë te dy pacientë me renale kronike të veshkave, të cilët kishin vite që ishin në dializë. /tesheshi.com/
