Tentohet konflikti ndëretnik në Butel të Shkupit në Maqedoni.
Një grup të rinjsh maqedonas kanë tentuar të prishin kordonin policor dhe të përplasen me shqiptarët që nuk lejojnë vendosjen e kryqit gjigand.
Policia ka bllokuar të gjitha hyrjet dhe daljet që çojn drejt vendit ku është paraparë ngritja e kryqit.
Policia nuk i ka ndaluar të rinjtë që të shkojnë në vendin e përplasjes ndërkohë që thotë se deri më tani ka shmangur kontaktet mes palëve.
Kryetari i Komunës së Çairit, Izet Mexhiti ka bërë thirrje që protestuesit të qëndrojnë në tenda dhe të mos dalin në rrugë. /tesheshi.com/
