Shqiptarët sërish futen të pabarabartë në zgjedhjet parlamentare të Maqedonisë.
Zona 6 e Maqedonisë Perëndimore, nxjerr të njëjtin numër deputetësh se Zona 4, edhe pse ka më shumë votues në listë. Për këtë ka pasur debat nëKomisionin Shtetëror Zgjedhor të Maqedonisë.
KSHZ në takimin e fundit ka miratuar planin operativ për verifikimin dhe krahasimin e të dhënave të siguruara nga 10 institucione të ndryshme për të pastruar listat zgjedhore.
Të dhënat do të merren nga Fondi për Sigurim Shëndetësor, Agjencia për punësim, Regjistri qendror, Drejtoria e librit amëz, Drejtoria e të ardhurave publike, Ministria e Bujqësisë, Ministria për Punë dhe Politikë Sociale dhe Banka Popullore.
Në lidhje me listat zgjedhore, anëtari i KSHZ-së, Subhi Jakupi, deklaron se lista zgjedhore përditësohet çdo ditë, kurse MPB dërgon katër herë në vit të dhëna deri te KSHZ për ndryshime adresash të qytetarëve, vdekje, zhvendosje të qytetarëve, dhënie të letërnjoftimeve të reja, numrin e shtetësive të reja të dhëna, humbjen e të njëjtës.
KSHZ i’a rikujton Ministrisë së Drejtësisë se duhet të propozojë ndryshime ligjore për Ligjin për zgjedhje, sepse njësia zgjedhore 6 ka më shumë votues, kurse Njësia zgjedhore 4 ka më pak votues.
Pritet që plani i KShZ të pranohet nga të gjitha partitë politike.
/tesheshi.com/
